兵工廠火力全開無面「比」

阿仙奴王牌阿歷斯山齊士強勢復甦。

週三凌晨，歐冠分組賽繼續展開角逐，其中一場賽事，F組英超豪門阿仙奴坐鎮酋長球場迎戰希臘勁旅奧林比亞高斯。兩隊在兩週前的第一場分組賽各自遭遇開門黑，奧林比亞高斯輸俾拜仁就話係無可厚非，但阿仙奴俾薩格勒布戴拿模掃低就確實令人大跌眼鏡。不過幸好阿仙奴及時調整，在上週經歷英格蘭聯賽盃以及週末聯賽兩連勝之後重回正軌，屆時坐鎮主場，阿仙奴為力保出線主動權必定全力爭勝。

阿仙奴近幾年歐冠都能夠晉級淘汰賽，整體實力都稱得上穩中有升的，但今年首仗爆冷不敵薩格勒布戴拿模，確實令人費解。幸好，上週中與熱刺聯賽盃一戰勝利後徹底激起全隊鬥志，而週末狂勝李斯特城的一役更是令人稱快。上賽季阿仙奴頭號王牌阿歷斯山齊士經歷了此前一段低迷期之後，在對陣李斯特城比賽裡面大演帽子戲法，一掃自己頹勢的同時幫助球隊重回正軌可謂雙喜臨門。而中場奧斯爾和前鋒華確特繼續有著穩定發揮，相信今仗面對奧林比亞高斯亦不會腳軟。值得一提的是，阿仙奴近3次主場面對這支希臘勁旅保持全勝，今仗再度坐鎮主場，無疑阿仙奴係值得追捧。陣容方面，主力前鋒基奧特在對陣薩格勒布戴拿模時食「牛肉乾」罰坐波監，前鋒韋碧克、中場韋舒亞、法米尼、阿迪達以及魯錫斯基繼續高掛免戰牌。

奧林比亞高斯係分組賽首場遇到拜仁就遭遇重挫，其實都唔怪得曬奧林比亞高斯，事實上拜仁每年都係歐冠冠軍最強爭奪者之一，如此強大的隊伍作為對手確實係令人頭痛。不過歐冠自古以來就是弱肉強食的戰場，既然實力未夠班就預佐要俾豪門列強吞食。雖然係希超奧林比亞高斯長期保持霸主地位，但就算成績再好都無法為其在歐冠賽場加分。睇翻今場賽事，莫講話來到一個幾乎贏唔到波噶想地方拿分，奧林比亞高斯要全身而退恐怕是癡人說夢。陣容方面，中場米利禾積域停賽受罰；兩名中場曼尼亞迪斯和保查拉基斯均因傷休戰。