裕隆纳智捷「雄」心勃勃

　　高雄九太今季hea到冇朋友，27场常规赛只赢过4场，还剩4轮常规赛嘅情况下，球队已经锁定包尾大幡嘅称号。周日傍晚，高雄九太将与裕隆纳智捷上演对决，近期遭遇两连败嘅裕隆纳智捷急需搵返状态，身后嘅台湾银行穷追勐打，为确保季后赛席位，裕隆纳智捷可以话已经冇退路可言，裕隆纳智捷今铺势必复仇高雄九太。

　　高雄九太属于一支极为依赖外援作战嘅队伍，亦都可以话系塞森一个人嘅球队，呢位外援今季均场可以斩获24.5分、6.7次助攻、11.2个篮板、2.1个偷波以及1.4次封阻嘅全面数据，上述所提及嘅数据中，佢都系高雄九太阵中嘅NO.1。塞森攞到咁出色嘅数据都带领唔到高雄九太攞到好成绩，侧面反应出高雄九太其他将士嘅支援无力，尤其系另一位外援历基艾云斯，下半季先加盟球队，还未完全融入队中，11次出场只有3次得分能够超过20分。如今嘅高雄九太更加已经无欲无求，佢哋主要以练兵为主，过去3场比赛单场得分都唔过80分，都开出上下盘下盘的结果，相信懒懒闲嘅高雄九太今铺亦都难以打出高分嘅表现。

　　输俾台湾银行、大败桃园璞园，裕隆纳智捷第三名嘅领先优势已经被缩窄到2.5个胜场，最后4场常规赛将2次面对高雄九太，以及分别面对台湾银行和台湾啤酒。今铺与高雄九太对决之后将喺下一场与台湾银行死磕，倘若裕隆纳智捷今仗获胜，带住3个胜场差优势面对台湾银行，心理层面上占据绝对嘅优势。不过裕隆纳智捷可唔可以参加季后赛仲系未知数，球队相对较为被动，皆因桃园璞园若然攞到下半季嘅冠军，裕隆纳智捷则无缘季后赛，今仗之前桃园璞园与台湾啤酒将上演1场强强对话，裕隆纳智捷当然寄望台湾啤酒赢得呢场关键之战。不过无论如何裕隆纳智捷肯定要做好自我，作为台超联进攻最强嘅队伍之一，喺状态一如既往稳定嘅马古斯基尼嘅带领下，裕隆纳智捷誓要重返胜轨。